『上海』上海电台葛明铭老师怒批“沪语被抵制”....

Amatista

开心上看到的转贴，也转来让大家看看。希望大家中立的看此帖。

记得小时候有段时间还经常听滑稽王小毛。刚刚看了此帖，也怀旧了一番。

---------------------------------------------------------------------------------------------------------------------------
上海电台戏剧曲艺频率（中波1197，调频97.2）12月11日18点播出的《王小毛信箱》，听一下葛明铭老师是怎样评论的。
　　
　　记得读中学个辰光学过一篇课文，题目叫《最后一课》，讲个是第一次世界大战期间，德国人占用了法国一部分领土，占领以后就规定：学堂里要废止法文要开始教德文，第二天就要实行，一个法文老师忒学生上最后一趟法文课，本来这点小朋友侪是调皮捣蛋，惹老师生气，而搿天大家认真得勿得了，安安静静听老师上课，最后老师了了结束讲课之前了黑板高头下仔五个大字，“法兰西万岁”。 搿篇课文经典个，现在中学课本里还是保留了了。 当时读搿篇课文让我尼觉着一个民族语言是几乎重要啊，当一个民族勿能够使用本民族语言辰光是几乎痛苦啊！当侬勿能够用本土语言进行交流个辰光搿个民族也差勿多了。
　　　　前几天了徐州参加了闵台语展览馆，看到了介绍了当年“甲午战争”中国战败，被迫签订了《马关条约》，拿台湾割让拔了日本，日本人就了台湾个学堂推行了日语，禁止了汉语、禁止闽南语，伊拉就想从语言方面拿台湾割让出去。 一个地方连自家个民族语言都勿准讲、么资格讲，搿个民族也真个消亡了。
　　　　现在我尼生处和平时代，用勿着担心外国人到中国来禁止阿拉民族语言。 但中国闲话是个大概念，是个统称，中国语言包括汉语、少数民族语言，而汉语又包括官方推广个普通话忒各地方言，其他方言前景哪能，我不得而知，单讲阿拉天天要用个上海闲话，居然是危机重重、前景堪忧啊！ 危机来自两个方面：
　　　　（1）大量个外地人口进入上海，立老脚跟个我尼称为“新上海人”，么立老脚跟个称为“流动人口”，伊拉忒旧社会20世纪初进入上海个勿一样，当年广东人就是一口广东闲话，宁波人就是一口直瓜挺硬个宁波闲话，苏北人一口高亢个苏北话，踏进上海以后要么就是坚持讲自家个方言，就像人家老宁波，生活了几十年了还是一口宁波闲话，还有一种就是学一口地地道道个上海闲话，而且勿管上海闲话学了像勿像，已经有上海闲话字句了，形成一个地区个认同感。 但现在进入上海个外地人勿一样了，绝大多数侪不急于学上海闲话，而且又勿坚持自家个当地方言，勿管阿里，伊拉当地方言侪勿讲了，侪讲普通话，而且偏偏就是勿肯学你们上海闲话，一开始人还勿多、势力勿大，上海本地人还勿大肯欠求伊拉，但是到了外来人数量庞大个辰光，上海人只好欠求伊拉了，跟老仔伊拉一道讲普通话。 各么外地人为啥头颈轧硬类，因为有靠山，旧上海因为么推广普通话个政策、靠山，所以只好向上海人学上海闲话，当然勿学上海闲话上海人也勿会的赶伊拉走个，上海人是最讲包容、最讲宽容、海纳百川。 各么现在已经立老脚跟个外地人头颈为啥轧硬，因为伊拉有的官方推广普通话个政策作为后盾，上海人么已经理勿状、气勿粗，有点矮人三分个感觉，再讲国家号召要响应，上海人么一向是最听国家个号召、国家个响应，大量个外地人到上海对上海方言个冲击、压制相当大。
　　　　（2）另外一个危机就是上海个小囡从小就勿会讲上海闲话，张口就是普通话，啥道理呢？学堂里厢规定要讲普通话，学堂里讲习惯了忒自家爸爸妈妈等长辈也讲普通话。 国家推广普通话个政策绝对是正确个，再经过教育部门强烈执行，甚至还牵涉到了老百姓的家庭用语当中。 21世纪初出生个小朋友上海闲话已经讲勿来了，我尼晓得，现在大多数侪是“小太阳”式个家庭，小囡就是小太阳，长辈侪是猩猩，围老小囡做，小囡要讲普通话，大人么办法，只好跟老一道讲，连得长了年纪个祖辈普通话讲勿立起个只好跟老孙辈一道讲。 还有就是大力推广普通话个当中，有相当一部分人认为，普通话讲出去蛮高档个、蛮有身份个，讲上海闲话像低人一等一样，俗气一样，竟然形成了这种错误个观念，造成上海人讲上海闲话越来越缺乏自信、越来越缺乏底气。 而外来人口到上海来生活、学习、工作越来越勿愿意学习上海闲话了，因为伊拉认为我到上海来国家是支持阿拉讲普通话个，阿拉有推广普通话个坚强后盾，所以你们上海人必须跟老阿拉一道讲普通话。
　　　　我亲眼看到搿能一桩事体。 了了一家国家机关个办事机构里，看到一对年纪蛮大个老夫妻来询问一桩事体用上海闲话讲，刚刚开口还么讲光只看见一个接待人员像外地来个，外地人考公务员考到上海来个，狭气傲慢个讲：“请说普通话。” 两个老夫妻只好结结巴巴、吃吃力力用普通话忒伊交流，因为搿两个老人普通话勿像普通话，上海闲话勿像上海闲话，洋泾浜个，外地人大多数听勿懂，一面孔勿耐烦。 我当时看了心理老气了，狭气吼死，喂！侬啥体勿好学一学上海闲话啊？学了上海闲话来接待老年人侬就犯法啦？搿桩事体拔我触动狭气大。 我现在老是接到各种中介个电话，啥个黄金投资啊！商铺投资啊！房地产啊！等等等等，各种骚扰电话特别多，打电话来个必是一口外地普通话，本来我还是用普通话回答个，搿桩事体发生以后对我刺激蛮多。 我现在只要听到中介打过来用普通话讲个，我一律用上海闲话回答，效果老好个，本来侬用普通话讲个伊有的忒侬烦了，现在侬用上海闲话上去两句闲话伊马上就挂忒类！因为伊觉着沟通勿方便。 又一趟一个房地产中介来问我啥个房子要买伐，乃么我用上海闲话回答，叫啥伊居然要求我使用普通话伊讲，乃么我就讲了：“先生，请侬学好上海闲话了再来忒我打电话。”马上忒伊挂特。

foxtail_lb

支持把上海的英文日文课程停掉，上上海话的课！

xuxij

应该都要上才对，上海孩子不会说上海话，广东孩子不会说广东话，都不成，应该保护这些地方语种，外地人来上海也该学上海话，上海人去外地也该去当地的方言，就好像我们留学德国学德语一样，我以前语言班的一个同学不光学hoch deutsche 还特地学当地方音的。多一种语言似乎没啥坏处亚

牛油果

支持上海人民上街游行维护本土文化！

Amatista

香港人挺幸福的，粤语还能拍电影电视。

以前上海闲话也拍过电视剧，还很成功的。比如"孽债"、还有一个类似72家房客的连续剧。这两个连续剧当时有上海闲话版本。而普通话版本就逊色很多，尤其是那个类似72家房客的连续剧，这个剧是类似上海滑稽戏的，你说上海滑稽戏不说上海闲话，还有什么看头。

可惜后来不允许电视剧电影用方言了。

Amatista

Aquaspirit 发表于 2011-12-14 13:52
悟空不太会说重庆话

那你跟他多说啊。

比如每周有一天，就整天只跟他说重庆话。

狼崽

Aquaspirit 发表于 2011-12-14 13:52
悟空不太会说重庆话

不错了，悟空话说得非常好了，胖子能把中国话说出来，我就high 的不得了了

狼崽

Amatista 发表于 2011-12-14 13:49
香港人挺幸福的，粤语还能拍电影电视。

以前上海闲话也拍过电视剧，还很成功的。比如"孽债"、还有一个类 ...

是啊，72 家房客我看过，搞笑四了

魑魅魍魉

二十几年前我读小学的时候就是这样啊，哪个老师上课要是讲上海话，班干部要举手提醒老师“请讲普通话”。。。。